Աշոտ Սուրենի Սաֆարյանը ծնվել է 1995 թվականի հունիս 18-ին, Նոյեմբերյանի շրջանի Ոսկեվան գյուղում։ 2001-2012թթ․ սովորել և ավարտել է տեղի դպրոցը։ 2012 թվականին ընդունվել է ՀԱՊՀ << Քոմփ համակարգեր և ինֆորմատիկայի>> ֆակուլտետը։ 2013-2015թթ․ ծառայել է ՀՀ ԶՈՒ-ում։ 2015-2018 թթ․ շարունակել է ուսումը բակալավրիատում։ 2018-2020թթ․ ընդունվել և ավարտել է << Քոմփ համակարգեր և ինֆորմատիկայի >> մագիստրատուրան։ 2016-2017թթ. աշխատել է << Smart LTD >> կազմակերպությունում, 2017-2021թթ․՝ << Tricolor imaging >>։ 2021 թվականից ԱՅԹԻ ՕԿ ՍՊԸ-ում ։ 2022 թվականից համագործակցում է Շվեյցարական << IMMOMIG SA>>-ի հետ, որպես PHP FULL-STACK ծրագրավորող։
Հայկ Հայկազի Մարգարյանը ծնվել է 1982 թվականի հուլիսի 6-ին, Նոյեմբերյանի շրջանի Ոսկեվան գյուղում։ 1988-1999 թթ սովորել և ավարտել է Ոսկեվանի միջնակարգ դպրոցը։Նույն թվականին ընդունվել է ՀՊՃՀ-ի ՔՏ և ԲՖ ֆակուլտետ և ավարտել 2003 թ-ին։ 2003թ-ին ընդունվել է ՀՊՃՀ-ի մագիստրատուրա և ավարտել այն <<Քիմիական տեխնոլգիաներ և կենսատեխնոլոգիաների>> մասնագիտությամբ` ստանալով մագիստրոսի աստիճան։
2010 թ-ից աշխատում է "ՀԷՑ" ՓԲԸ-ի "Աղստև" մասնաճյուղում։ 2021-2022թթ սովորել է ԱՅԹԻ ՕԿ ՍՊԸ -ում, ստացել սերտիֆիկատ և նույն թվականին անցել աշխատանքի, որպես WEB ծրագրավորող։
Անի Արմենի Ալեքսանյանը ծնվել է 2001 թվականի հունիսի 4-ին, Նոյեմբերյանի շրջանի Ոսկեվան գյուղում։ 2006 - 2018 թթ սովորել և ավարտել է Ոսկեվանի միջնակարգ դպրոցը։Նույն թվականին ընդունվել է Հայ-Ռուսական համալսարանի <<Ինֆորմատիկա և կիրառական մաթեմատիկա>> ֆակուլտետի նույն բաժինը։ 2020 թվականին տեղափոխվել է ԵՊՀ-ի Իջևանի մասնաճյուղ, մինչև այսօր սովորում է այնտեղ։2021-2022թթ սովորել է ԱՅԹԻ ՕԿ ՍՊԸ -ում, ստացել սերտիֆիկատ և նույն թվականին անցել աշխատանքի, որպես WEB ծրագրավորող։
Անի Օնիկի Սարգսյանը ծնվել է 1997թ․ հուլիսի 23-ին, Նոյեմբերյանի շրջանի Ոսկեվան գյուղում։ 2003 - 2014 թթ․ սովորել և ավարտել է տեղի դպրոցը։ 2014թ․ ընդունվել է ՀՊՄՀ ԿՀՍ ֆակուլտետի <<Մանկավարժություն և հոգեբանություն>> բաժինը։ 2018թ․ ավարտել է համալսարանը՝ ստանալով ուսուցիչ, մանկավարժ-հոգեբանի որակավորում։ 2021-2022 թթ․ սովորել է վեբ ծրագրավորում ԱՅԹԻ ՕԿ ՍՊԸ-ում , ստացել սերտիֆիկատ, և նույն թվականից անցել աշխատանքի, որպես վեբ ծրագրավորող։
ԱՅԹԻ ՕԿ-ը WEB ծրագրավորման և ուսուցման կենտրոն է։ Այն իր գործունեությունը սկսել է 2020 թվականից, իսկ 2021 թվականին ստացել է իրավական կարգավիճակ։ Հիմնադիր տնօրենն է Աշոտ Սաֆարյանը։ ԱՅԹԻ ՕԿ-ը ստեղծման պահից անվճար հիմունքներով զբաղվում է տարածաշրջանի երիտասարդների ու դպրոցականների WEB ծրագրավորման ուսուցմամբ։
Այն զբաղվում է նաև WEB կայքերի պատրաստմամբ։ Այս կարճ ժամանակահատվածում կենտրոնը ունեցել է ավելի քան 40 ուսանող, որոնց մի մասն աշխատում են ՀՀ տարբեր IT ընկերություններում։ Մի մասն աշխատում են ԱՅԹԻ ՕԿ-ում՝ որպես WEB ծրագրավորողներ և դասընթացավարներ։ ՍՊԸ-ն պատրաստում է FRONT-END, BACK-END, FULL-STACK ծրագրավորողներ։ Մենք պատրաստում ենք ինտերնետ-խանութներ, բարդ գործառույթներով կորպորատիվ կայքեր, բիզնես-կայքեր: ԱՅԹԻ ՕԿ-ը իր լավագույն աշակերտներին ապահովում է աշխատանքով։ Այն մեծ հեռանկար է ստեղծում ոչ միայն հայրենի գյուղի, այլ նաև տարածաշրջանի երիտասարդության համար։ ԱՅԹԻ ՕԿ-ի ստեղծման հիմքում ի սկզբանե եղել է նպատակ՝ հիմնել ծրագրավորման կենտրոն, որը կապահովի ուսուցում և աշխատանք։ Կենտրոնը միտված է լուծելու երիտասարդությանը մոտիվացնելու, համայնքում կրթելու և աշխատելու հիմնախնդիրը։ ԱՅԹԻ ՕԿ-ը նպատակ ունի դառնալու տարածաշրջանում մեծ IT կենտրոն։
Կենտրոնի ստեղծումն ունի ռազմավարական նշանակություն սահմանամերձ համայնքի զարգացման համար։
